MAITE LARBURU
& The Charlies
Carlos Taroncher
Maite Larburu
Karlos Arancegui
Musika anplifikatuaren eremuan ez ohiko den hirukote formatuarekin, Maite Larburu eta Charlie-k zuzeneko indartsua eskaintzen dute; muturreko dinamika eta tinbre, soinu eta emozio sakonez beterikoa.
HONDAMENDIA
Axut! & Artedrama
Zaborra metafora bat da batzuetan. Baina ze metafora da kiratsa darion hau?
2020ko otsaila: zabortegi baten kolapsoak bi langile desagerrarazi ditu azpian. Esan patua izan dela. Esan zoria izan dela. Edo haien senide txiki eta apala, zorte txarra. Ardura eta erantzukizuna maskaratzeko mozorroak ere izan daitezke, ordea, hondamendiari jarritako hitzok. Batzuentzat ezbeharra dena, istripua da beste batzuentzat.
2020ko martxoa: covida heldu da. Egia, egitatea, kontakizuna... Baina nola adierazi samina mundua pandemia baten menpe izoztu denean?
Pantailek hartu dute hitzaren tokia eta zaborrak gure bizien arrasto bihurtu dira.
Langile bat hiltzen da beharrean. Astero.
2022ko otsaila... Zabor meta erraldoian aztarrika, bide-seinale modura erabiliko ditugun galdera ikurrak besterik ez ditugu topatu. Eta bizitzaren balizko zentzuaren gainetik, bizitza bera huts-hutsean maitatu behar dugula dioen intuizioa.
ZUZENDARITZA_ Ximun Fuchs
IDAZLEA_ Harkaitz Cano
AKTOREAK_
Ander Lipus
Maite Larburu
Manex Fuchs
Ruth Guimerá
Eneko Gil
Ane Sagues
Jon Ander Urresti
BIDEOA_ Maialen Beraustegi
KOREOGRAFIA_ Philippe Ducou
MUSIKA_ Maite Larburu, Asier Ituarte
ESZENOGRAFIA_ Fran Dussourd
ARGIZTAPEN DISEINUA_ David Bernués
SOINU DISEINUA_ Philippe Barandiaran
TEKNIKARIA_ Ieltxu Ostolaza
TEASERRA_ Eñaut Castagnet
ARGAZKIAK_ Ainhoa Resano
DISEINU GRAFIKOA_ Roberto Quintana
EKOIZPENA_ Iasone Parada, Mikel Unamunzaga, Argi Perurena
MEDIAZIOA_ Arantxa Hirigoyen
BANAKETA_ Irantzu Azpeitia
AMUA (2021-22)
KOMEDIA SENTIMENTAL POLITIKOA
Ximun Fuchs
Maite Larburu
Manex Fuchs
Anak, bere gaztaroko bi maitale ohi gonbidatu ditu Iratiko etxola batetara. Azken asteburu bat, izan zirenaren eta amestu zutenaren izenean. Aitor eta Txolarre etorriko dira bai, baina bata eta bestea ez dira jakinean hiru izanen direla. Elkar asko maitatu dute, elkar asko maite dute, baina zaila da hain intimoa den hori partekatzea. Esklusibotasuna, erromantizismoa, egoa, jabetza, ohitura, kultura eta hezkuntza alde batera uzteak, asteburu bakar batentzat bada ere, barne kalapita galantak eraginen ditu. Oihan basatia, oreinak eta onddoak tarteko, bakoitzak pentsatzen duenaren, erraiten duenaren eta egiten duenaren arteko distantziak pertsonaiak biluztuko ditu. Askatasunaren utopia azkenetan dela errana izan zaigu hainbatetan, baina maitasunaren izenean, noraino joan gaitezke?.
Zuzendaritza: Ximun Fuchs
Koreografia: Philippe Ducou
Idazkera: Arantxa Hirigoyen, Maite Larburu, Manex eta Ximun Fuchs
Aktoreak: Maite Larburu, Manex Fuchs, Ximun Fuchs
Musika: Maite Larburu
Eszenografia eta jantziak: Fran Dussourd
Argiztapen diseinua eta teknika: Aitz Amilibia
Soinu diseinua: Philippe Barandiaran
Bideo sorkuntza: Eñaut Castagnet
Argazkiak: Ainhoa Resano
Diseinu grafikoa: Roberto Quintana
FRUITU ARRAOAK
Harkaitz Cano &
Maite Larburu
Gutxien esperotako une eta lekuetan, baldintzarik eskasenetan eta tokirik sinesgaitzenetan, aurreikuspen guztien kontra sortzen dira sarri fruiturik gozoenak. Natura jakintsu baita. Halatsu gertatzen da kantekin ere: estilo gurutzaketa, bertsio eta desbideraketa, hots eta hitz nahasketa… Poema edo ez poema, testurik ezustekoenak eta bitxienak bihur litezke kantagarri.
Bide maiztuetatik aparte eta Billie Holiday kantariak ezagun egin zuen arrazakeriaren kontrako Strange Fruit ereserkia abiapuntu hartuta, abesti orijinal zein moldatuen bidez osatutako fruitu bitxien bilduma dakarte Maite Larburuk eta Harkaitz Canok.
KAX KAX KAX!
Katixa Agirre &
Maite Larburu
Gutxien esperotako une eta lekuetan, baldintzarik eskasenetan eta tokirik sinesgaitzenetan, aurreikuspen guztien kontra sortzen dira sarri fruiturik gozoenak. Natura jakintsu baita. Halatsu gertatzen da kantekin ere: estilo gurutzaketa, bertsio eta desbideraketa, hots eta hitz nahasketa… Poema edo ez poema, testurik ezustekoenak eta bitxienak bihur litezke kantagarri.
Bide maiztuetatik aparte eta Billie Holiday kantariak ezagun egin zuen arrazakeriaren kontrako Strange Fruit ereserkia abiapuntu hartuta, abesti orijinal zein moldatuen bidez osatutako fruitu bitxien bilduma dakarte Maite Larburuk eta Harkaitz Canok.